🌸 లలిత సుగుణజాల – తెలుగుబాల 🌸
కవిత:
లలిత సుగుణజాల! తెలుగుబాల!
కష్టపెట్టబోకు కన్న తల్లి మనసు
నష్టపెట్ట బోకు నాన్న పనులు
తల్లిదండ్రులను దైవసన్నిధులురా
లలిత సుగుణజాల! తెలుగుబాల!
తాత్పర్యము: తల్లిదండ్రులు దైవంతో సమానం. కనుక తల్లి మనసుకు బాధను, తండ్రి పనులకు నష్టమును కలిగించరాదు.
ప్రభువు పూజ లందు పట్టణమందు
రాజు పూజ లందు రాజ్యమందు
చదువుకొన్నవాని జనమెల్ల పూజించు
లలిత సుగుణజాల! తెలుగుబాల!
తాత్పర్యము: ప్రభువు తన పట్టణంలో, రాజు తన రాజ్యంలో పూజింపబడతాడు. కానీ చదువుకున్నవాడు ప్రపంచమంతటా గౌరవించబడతాడు.
సాధు సంగమమును సామాన్యుడను గూడ
మంచి గుణమును గ్రహించు చుండు
పుష్పసౌరభంబు పొందదా దారంబు
లలిత సుగుణజాల! తెలుగుబాల!
తాత్పర్యము: పూలతో కలిసిన దారం కూడా సువాసన పొందినట్లే, మంచి స్నేహంతో మామూలు మనిషి కూడా ఉత్తమ గుణాలను పొందుతాడు.
జనుల కొరకు ధర్మశాలను గట్టించి
బీదసాదనెంతో యాదరించి
పేరుగన్న కర్మ వీరుడే అమృతజీవి
లలిత సుగుణజాల! తెలుగుబాల!
తాత్పర్యము: ప్రజల కోసం సేవలు చేసి, పేదలను ఆదరించినవాడు చిరస్థాయిగా గుర్తుండే అమృతజీవి అవుతాడు.
🧠 Concept
Human Relations & Human Resource Development
ఈ పద్యాలు మానవ సంబంధాల విలువ, తల్లిదండ్రుల గౌరవం, విద్య ప్రాముఖ్యత, మంచి స్నేహం ప్రభావం మరియు సమాజ సేవ ద్వారా వ్యక్తిత్వ వికాసాన్ని తెలియజేస్తాయి.
కామెంట్లు లేవు:
కామెంట్ను పోస్ట్ చేయండి